組合PlayTime成員梁曉豐（Anjo）於新片左右逢源，除了與王敏奕曖昧談情外，更與江嘉敏在床上咀嘴！Anjo與嘉敏在片中飾演契兄妹，現實中亦以兄妹相稱。

Anjo及江嘉敏在新片中漸生情愫，更上床咀嘴！

江嘉敏及Anjo戲內戲外都Friend爆，果然是最佳拍檔。

梁曉豐（Anjo）最近可謂艷福無邊，在電影《曖昧不明關係研究學會》中除了與師姐王敏奕大搞曖昧外，更與年僅19歲的新人江嘉敏在床上錫錫！嘉敏自言此舉已超越其底線：「佢呃我啲錫錫呀！勁慘呀！」

在床上與嘉敏咀嘴的Anjo笑稱不過電：「嗰日拍咗18個鐘先拍嗰場，比較難有其他非分之想！同埋嗰個狀態係大家冇可能一齊，其實想喊！」問到咀嘴時可有伸脷？他說：「只係輕吻，如果伸脷就冇得停喇！」嘉敏事前做足準備，又刷牙又食薄荷糖，笑稱絕不尷尬！

蜻蜓點水吻別

兩人埋位時輕吻對方，然後說：「如果我鍾意嗰個係你，咁咪好囉！」兩人又大唱《兄妹》一曲，充滿無奈。名花有主的嘉敏表示事前沒有向男友備案：「都係工作，佢應該體諒嘅！」她又自言現實中不愛玩曖昧：「唔想有呢樣嘢發生！有契哥、契細佬，不過真係冇嘢！」Anjo則自爆多契妹：「現實生活啲女仔都係會叫我阿哥！」但堅稱沒有搞曖昧。

嘉敏透露現已成為Anjo的契妹：「間中會上去佢哋個PlayTime Studio，叫Anjo Sir教唱歌同變魔術！」Anjo則爆嘉敏參演洪卓立的MV後，獲封為「小章子怡」！