陳庭欣（Toby）與楊潮凱最近到上環拍攝無綫《Amazing Summer》，在街頭上演「陸上行舟」玩香蕉船，Toby要扮碌落船，難度在於她要Hold住動作逐一拍攝，相當考耐力：「本來以為冇乜嘢，但要Hold住個動作扮碌落香蕉船，都攰。」其後Toby與楊潮凱走入屋邨拍攝，雖然已預先申請，卻遇上惡街坊阻礙拍攝，她說：「遇到個街坊唔鍾意我哋影到佢門口，企喺度阻住我哋拍嘢，又講晒粗口，惟有去其他地方拍，其他街坊就對我哋好好，仲搬埋櫈畀我哋坐，屋邨真係乜人都有！」

陳庭欣與楊潮凱等玩香蕉船，還要扮碌落船。

陳庭欣與楊潮凱到屋邨拍攝，遇上惡街坊。