藝人王宗堯初演舞台劇，與對手麥貝夷有接吻場面，他表示事前二人不相識，故綵排時不會真錫，以正視聽，又笑言擔心吻下去時會遭對方推開。

王宗堯與麥貝夷首次合作，演親熱戲時難免尷尬。

王宗堯（右起）、陳恩碩與徐偉賢忙於綵排舞台劇。

王宗堯、麥貝夷及徐偉賢為陳恩碩執導、王嘉翊監製的舞台劇《萬花嬉春》（Singin' In The Rain）綵排，《萬》劇是首個獲授權版本的演出，故各人均十分緊張和投入。王宗堯首次獲邀演舞台劇，笑言導演看過他在《喜愛夜蒲》的演出後而賞識他：「我冇舞台劇經驗，演出時要跳踢躂舞，所以事前學咗三個月踢躂舞。見到面先知道導演得十六歲，不過佢舞台劇經驗好豐富，對佢好有信心。」

正式演出真錫

劇中與麥貝夷有感情線，更會有親吻場面，王宗堯坦言二人事前並不認識，故綵排時有點尷尬：「綵排時係唔需要錫落去嘅，因為我怕畀佢推開，所以到真正演出先會錫落去。其實之前試過同一個女模特兒拍廣告，就係咁畀個女仔推開咗。」

音樂人徐偉賢亦是首次參與陳恩碩執導的舞台劇：「佢舞台經驗比我豐富，今次我做演員、佢做導演，彼此學習緊。」而年僅十六歲、已第二次執導舞台劇的陳恩碩直言今次陣容大得多，演員有分量資歷。問到會否不敢向前輩出聲？他說：「唔會！初頭有啲驚，但唔可以因為我年紀比佢哋細而做唔好導演本分。其實初期我有壓力，同咁多戲骨合作，但我會邊導邊跟佢哋學嘢，佢哋個個都好尊重我。」