最近推出新專輯的馬來西亞歌手張智成日前接受《東網》《娛樂onShow》訪問，向主持Look大爆拍拖點滴，感情專一的智成揚言絕對不接受「愛情出軌」，為了解伴侶，他更願意投入對方的生活！

智成（左）接受Look的訪問時大談戀愛觀，自揭用情專一。

智成（左）認真回答主持的問題。

智成上《娛樂onShow》分享歌路歷程，粉絲不容錯過！

唱得之人張智成日前帶着新專輯上《東網》的《娛樂onShow》接受訪問，向主持Look剖析演繹歌曲的過程，雖然智成今次推出的是新專輯，但當中有八首翻唱歌曲，問到所選歌曲是否其心聲時，他笑說：「其實呢八首翻唱歌係我嘅監製彭學斌揀嘅，佢最了解我，無論係我私底下嘅感情、生活，同埋我呢十五年嘅音樂趨向，佢都好了解，所以佢揀呢啲歌畀我，我覺得係挑戰。」

專業的智成為了更好地演繹歌曲而將自我投入其中：「例如有首翻唱歌叫《出界》，我會聯想自己做運動打波出界嘅感覺。」打波出界當然無傷大雅，但智成又能否接受在愛情路上出界呢？自言喜歡採取主動的智成斷言「冇可能」：「我係個冇可能出軌嘅人，我可能會分開咗之後繼續另一段感情，但唔可能同一段感情有另一個人！」

不為戀愛改變自我

感情專一的智成揚言絕不接受另一半出軌，又稱不會為另一半改變自己，但會嘗試投入對方的生活。想知道更多張智成拍拖時的面貌，就要繼續留意《東網》的《娛樂onShow》喇！