周志康自誇線條好

藝人周志康早前出席活動，身穿西裝外套的他在酷熱天氣下獻唱仍面不改容，非常專業，事後他笑說：「真係好熱，但為咗着靚仔啲，所以揀西裝褸。」他又表示最近與哥哥周志文一起練習踩單車，不經不覺身形都「Fit咗好多」。近期興起「肌男」狂熱，問到可會介意騷肌示人？志康說：「當然唔介意啦！不過要準備吓先，依家阿哥大隻啲。（依家啲女仔鍾意大隻仔多啲喎！）唔係嘅，我嘅線條都幾好o架！唔同類型嘅男仔有唔同嘅吸引力！」