歌手龍小菌將於本月處女下海，與楊詩敏（蝦頭）合作演出慈善音樂劇，在台上又唱又演，挑戰自己！而本身是老師的她，今年九月將重返校園繼續進修，攻讀碩士課程，實行活到老學到老！

小菌處女下海演出音樂劇，大呼緊張。

小菌自爆九月將重返校園做學生。

小菌（右）讚蝦頭看一次劇本便記得對白，相當厲害。

歌手龍小菌平時上台唱歌就見得多，而她本月中將與蝦頭合作演出慈善音樂劇，獻出自己的第一次：「好緊張，因為我未做過戲，入面我除咗做戲之外，仲會唱歌，不過劇本就未定。」蝦頭的舞台劇演出經驗豐富，問到會否順勢向她取經？小菌說：「一定要啦！佢咁多經驗，我諗佢一定有啲秘訣，會向佢請教！佢係舞台劇嘅大師姐，有佢睇住我都淡定啲，佢背對白好叻，佢望一望就記得，但我就望好多次先得。（你平時背歌詞都係咁啦！）唔知呢，可能我對歌詞比較敏感。」

而小菌除擔任歌手，另一個身份就是補習老師，不過她表示今年不會再開收費補習班，皆因要重返校園做學生：「今年九月會去香港大學讀Part-time碩士，好開心今年可以去進修，因為本身讀中文，如果可以加強詩詞歌賦，對自己都好有幫助。（驚唔驚分唔到身？）唔驚，因為工作分配好就OK！」

孖拾音社熱舞

另外，她又透露將與同門師弟兼組合拾音社推出廣東歌，問到屆時會否與拾音社齊齊跳舞？她說：「簡單舞步我都冇問題，唔太困難就得，希望觀眾唔會嫌我跳得樣衰啦！」