何佩瑜（Jeana）與張柏文甩拖後專注事業，接二連三拍電影的她於葉念琛新作《小姐誘心》內扮演小三，化身「猛虎」瘋狂突襲姜皓文：「導演同我講，要對住黑哥（姜皓文）張牙舞爪，所以都幾考演技！（現實經歷三角戀？）前度試過遇番前女友，對方不斷打電話同傳短訊畀佢。雖然我哋分開最終同呢件事無關，但當時我真係好唔開心！我本身信佛，凡事都會先企喺人哋嘅立場諗，所以我係唔會做傷害人嘅事。」她早前飛往馬來西亞拍新戲《辣警霸王花》，每日於猛烈陽光下拍足十幾個鐘，更因此與鄭欣宜等成為好友，她否認不和傳聞：「大家不知幾開心，欣宜仲係開心果添，傳呢啲好奇怪！」

與張柏文分手後，Jeana寄情拍電影。

信佛的Jeana揚言從不做傷害別人的事。