百億工廈大王楊耀松的外孫林忠澤太太梁慧恩（Viann），日前於銅鑼灣為其甜品店「貓山皇」第二間分店開幕坐鎮，懷孕七個月的暴肥Look因而曝光。暴肥七十磅的她去年成功懷孕，不過因胎位太低而要臥床休息，而她的孕吐情況亦頗為嚴重，直至懷孕五個月才好轉，之前她每日嘔四至五次，為佗好BB，Viann不惜犧牲靚樣！

暴肥的Viann與懷孕前簡直判若兩人！

由於其老爺為城中著名婦科聖手，Viann的產檢及剖腹生產均由老爺一手包辦，問到老爺「操刀」會否尷尬？她說：「起初都有，但老爺太專業啦，最後都冇尷尬，有時仲會叫埋老公入嚟一齊研究佗B嘅情況！」並透露其甜品店去年在元朗開業後，以特色招徠不少顧客，每月勁賺六位數字，稍後更會在北角及大埔再開分店，Viann又稱產後會積極收身重返幕前，目前已接洽電台主持工作。