余文樂和導演黃真真昨日為新片《閨密》受訪，談到性感女星王璐瑤（LuLu）近日大爆曾與男星拍拖後被拋棄，令她不介意與女性拍拖，現更被一線女星熱烈追求。曾與她傳緋聞的樂仔即寸爆對方：「佢唔係我緋聞女友，我完全唔識佢！是但啦！人生總有幾次遇到白撞！」他在新片的角色浪漫又細心，現實中的他也做過浪漫事：「試過同女友分隔兩地，我朝早飛去紐約同佢食早餐，食完返香港做嘢!」

余文樂自爆擇偶條件，拜金女冇得留低。

余文樂在黃真真執導的新片中表現浪漫的一面。

此外，胡杏兒自與黃宗澤分手後被指直變攣，被懷疑追求LuLu，杏兒以短訊否認：「我完全唔識佢，未見過佢，不作評論。」而同屬嫌疑女星的佘詩曼亦作出澄清：「我被猜測咁搞笑？我唔識佢o架喎！」