性感女星王璐瑤（LuLu）近日接受本報獨家專訪，大爆被圈中女星熱烈追求，引起全城討論，赫然在嫌疑名單之上的薛凱琪即「落閘」表明不「基」立場，更反問：「LuLu邊個嚟？」

摸

王璐瑤

托
Fiona大跳辣身舞，解放咪咪被女Dancer任摸任托！

Fiona與女Dancers一字排開拗腰摸大髀，壯觀！

近日積極為9月演出《adidas Presents Tonight Fiona Live 2014》做準備的薛凱琪（Fiona），昨日聯同一眾女舞蹈員現身排舞室綵排，大跳辣身舞。

跳辣舞傷腰

提到王璐瑤日前接受本報訪問時，大爆有女星向她展開追求，LuLu指該女星身材高挑，曾跟圈中男星拍拖但最後分手收場。屬嫌疑女星之一的Fiona聞言大驚，並反問記者LuLu是誰：「邊個嚟？」同時澄清自己實屬不「基」女子，她說：「話我追一個女仔？我唔會追女仔，我鍾意男仔o架！」

昨日大晒舞功的Fiona，又透露因連日來忙於綵排導致腰痛，不時要助手按摩止痛：「我有啲唔忍心，所以最後去睇醫生，開咗藥畀我要食到開Show。」問到今次選擇全女班舞蹈員，是否怕蝕底？她笑說：「排舞室冇咁臭，同埋啲性感衫留番畀Dancers！」

對於有報道指今次演唱會的銷情欠理想 ，她坦言起初亦有擔心：「我都驚訝，所以即刻問公司，佢哋話唔係。」又稱有朋友從其他渠道得知出現炒飛，價錢更高達1,400元，令她放下心頭大石。