除了無綫再推出真人騷搶話題，有線的競賽式真人騷《十萬蚊港女大翻身》昨日亦到汀九一間酒店搞活動，藝人陳嘉桓（Rose）與名模Rosemary聯同十位女參賽者玩水戰，Rose先落水再上浮床，但幾次都不成功，繩索在她身上勒來勒去，看得人心痛。而參賽者何茜瑩則差錯腳跌落浮床間的空隙，甚為狼狽。十位參賽者搏命玩水上競技，瞓身爭十萬港元獎金，她們泳衣上陣但外笠T恤，養眼程度大減。Rose表示為節目令肉體受創：「之前拍攝曬傷背脊，今日搽咗兩層防曬！之前曬好多，搞到條腰同個身唔同色，唔可以着露腰裝住，可能黐晒其他部位，淨係曬番黑條腰。」她又自認港女：「係香港女仔！對屋企人有時都幾公主病，會有脾氣。」但笑言不會打男友。

陳嘉桓屢次想從水中坐上浮床都不成功。

開戰前，陳嘉桓率領參賽者在浮床擺甫士。

參賽者何茜瑩狀甚狼狽。