洪永城封印陰陽眼

無綫藝人洪永城（Tony）昨日出席活動時透露，將接拍鬼節目，並自爆有陰陽眼：「本身對鬼神好有好奇心，佢哋搵我拍嗰時，我話點都要拍，但朋友講到好驚，仲提我記得一定要拜神同收利是，話拍『佢哋』嘅故事，『佢哋』會出嚟睇，我都有少少驚，不過期待同興奮嘅心情多啲！（有呢方面經歷？）我細個有陰陽眼，十二、三歲時突然開始喺屋企見到啲白影同人形，但又睇唔清楚個樣！後來屋企人帶我去封眼，就冇見過。」而同場的模特兒徐靖雯被問到舊愛周子揚與何傲兒拍拖一事，她強調與周子揚因了解而分開，已分開一段時間，並大方祝福舊愛。她又力撐對方並非花心漢，兩人現時是好朋友。