黃秋生、黎耀祥、湯鎮業、馬國明及胡杏兒等，昨日出席無綫重頭劇《梟雄》的拜神儀式。黃秋生指新劇拍攝順利，美中不足之處是拍攝時欠「四仔」：「有時開工冇咗部『四仔』（四號攝錄機），話借咗畀隔籬廠，有少少影響進度，有埋部四仔同冇木蝨就完美喇！」有指他對馬國明、劇本、戲服及外景酒店都有意見，他說：「黐線！都冇同佢同場，你估教仔咩！啲戲服都唔知幾靚，我想攞番屋企着！不負責任、噏得就噏，再噏多啲，下次畀人告誹謗！我試過告人，人哋要賠60萬！」

提到被指對馬國明意見多多，黃秋生直斥報道無事生非。

胡杏兒及馬國明穿上民初服裝，出席新劇的拜神儀式。

馬國明亦表示未曾被秋生責罵，若前輩有所批評亦會坦然接受，黎耀祥亦表示與秋生合作愉快：「啲人話佢脾氣差，其實佢不知幾好相與，有商有量，大家對佢有好多誤解！」

提到早前在網上留言撐馬賽，結果被富婆Laura追擊，胡杏兒說：「我只係講作為朋友、一個女仔、一個人應該講嘅說話，唔想再講其他。」