任達華拍攝新片《殺破狼Ⅱ》一場被綁架戲份時，遭五花大綁凌空困於巨籠中，拍足10小時全程動彈不得，難怪他慨嘆是入行以來最艱苦的一次：「梗係啦！平日我綁人多，幾時會有人虐待我呀？最慘係凌空U字形咁被吊起，拍足10粒鐘，每次休息都要人扶，自己冇辦法企起身，啲血漿又搞到成身都係，蜜蜂螞蟻都嚟黐我，名副其實惹埋晒啲狂蜂浪蝶！」

任達華

任達華被五花大綁困在巨籠中10個鐘都毫無怨言，十分敬業！

由於台前幕後都拉隊到泰國拍外景，拍攝時間又太趕，華哥只好頂硬上，然而他拍畢該場重頭戲後，卻發現腰骨有扭傷及變形的迹象：「真係好痛！成個人感覺好似被撕裂咗一樣，好彩平時有做開運動，仲頂得住！因為拍戲太趕嘅關係，依家都未去睇醫生，電影煞科後真係要好好休息吓。」