鄭欣宜及楊思琦昨日出席活動，欣宜坦言只為結婚減肥，自言「性格好索」的她又說：「如果男友投訴太肥，我唔會要佢，一段好嘅關係唔可以齋睇外表，鍾意一個人嘅性格先會持久，依家都好開心。」她又祝福舊愛Mark Ryan的懷孕未婚妻。對於結婚，她表示順其自然：「唔係我Plan，我比較怕醜同含蓄，我Ready都要睇對方準備好未。（要時間減肥着婚紗？）求完婚都仲有段時間。（如果瘦咗就係結婚？）可能係！」

欣宜（左）與楊思琦偕小粉絲一起化身小工匠削竹枝。

同場的楊思琦則透露趁兩歲幾的囡囡開學前，為她報讀英文、普通話及數學班，並打算稍後請教練教女兒游水，她又笑言試過拋囡囡落水，起初囡囡有喊，但後來變得Enjoy。曾傳BB爸爸是跳水隊成員吳帥，問到女兒是否如爸爸般跳水叻，思琦尷尬地笑說：「唔知呀！（有天分？）佢有唱歌天分，成日喺屋企唱歌。」她亦不介意母女檔拍嬰兒用品廣告。