高海寧昨日出席活動時表示將於電影《賭城風雲2》中晒三點式，飾演女殺手的她被問到是否要穿泳衣殺人時，她笑說：「唔係好夠膽喎！驚跌咗嘢出嚟！（接泳衣騷？）睇經理人安排同價錢，其實只要自己Fit，唔好影到豬腩肉就OK。」

高海寧（左）與蔣家旻衣着密實，冇乜睇頭。

同場的蔣家旻及朱敏瀚以「情侶檔」出席活動，但蔣家旻宣布與朱敏瀚已分手幾個月，卻不想多講分手原因，只透露不是因第三者、家人及「姊弟戀」的問題而分手：「有段時間少咗聯絡，有共識做番朋友。（傷心？）冇嘅，仲係好朋友，同場工作唔尷尬。」兩人又大方翹手合照，證明再見亦是朋友。