樂壇天王郭富城昨日出席藝術活動，藝術大師Romero Britto即場為他畫肖像素描，城城大讚作品真正完成後將會是無價寶。

城城大讚Romero的作品是無價寶。

城城（左起）、新鴻基地產代理有限公司租務部總經理馮秀炎與Romero一起主持啟動禮。

Romero即場為城城畫肖像素描。

Alice（右起）、李依琳、姜麗文及袁嘉敏四個靚女坐埋一齊，多人圍觀。

郭富城（城城）昨日出席《apm狂歡9周年慶典 x Romero Britto「潮夏藝術起動」啟動禮》時，獲藝術大師Romero Britto即場畫肖像素描，他表示首次為亞洲巨星繪畫，而城城則送親筆簽名的DVD回禮，並大讚作品真正完成後將會是無價寶。城城自言畫功不俗，讀書時作品經常被貼堂：「去到中學放棄冇畫，呢兩、三年鍾意去世界各地嘅博物館，欣賞現代藝術。」他表示有收藏名畫及雕塑，又說：「最鍾意都係收藏車，收藏世界少有嘅藝術品，我唔係富豪，只係收藏有興趣嘅嘢。」他又自稱不懂投資，並指曾投資房地產，但蝕本收場。對於Romero為他畫肖像素描，城城坦言感到榮幸：「係今年最好嘅禮物，佢都係靠第一個印象，好期待佢邀請我去佢嘅工作室。（幅畫會掛喺邊？）自己房床頭。（將來婚照都畫出嚟擺？）諗唔到咁遠！」問到若藝術大師邀請他畫全裸，會否應邀？他說：「佢係正面，畫親都係名人，睇中我係Dancer同Singer，見到我隻碟係Pose王，個風格唔係嗰種，都唔會。」談到舊愛名模熊黛林（Lynn），城城即表示不回應。

Alice B.嫌追求者後生

同場還有性感撐場的混血模特兒Alice B.、女星袁嘉敏、秦沛女兒姜麗文及「扒女」李依琳，問到剛度過24歲生日的Alice如何慶祝？她表示在家看電影及食壽司：「嗰日收到花同禮物。（追求者送？）係，佢彈結他畀我聽。（係咪有機會做你男友？）唔想成日拍拖後又失戀，簡單啲好，將來嘅事冇人知，不過佢好好，有玩音樂，佢係香港人，做法律相關工作。佢25歲我覺得佢太後生，大我一年多啲。」