警鐘胸模Jessica C.（JC）昨日出席活動時坦言愛玩Cosplay，男友也喜歡她作Cosplay打扮，難怪她笑言想扮成妲己供男友欣賞送驚喜。

愛Cosplay的JC坦言想扮妲己誘男友，相當有情趣！

JC（左二）穿Tube Dress出席《神魔之塔》活動。

JC（右）和King分別與Cosplay女玩自拍。

趙勁皓（King）（右）

混血警鐘胸模Jessica C.昨日穿Tube Dress到灣仔會展動漫節出席《神魔之塔》活動，與Cosplay女生大玩自拍及打遊戲機。JC坦言拍攝技巧不夠佳，故不太喜歡自拍，卻很愛玩Cosplay：「我鍾意扮啲性感得嚟又可愛嘅角色，男朋友都鍾意我着Cosplay。我想扮妲己畀男朋友睇，因為一般女友都係扮護士，妲己係中國古代人物，男友唔熟悉，會畀到驚喜佢。」

另外，提到早前《好報》獨家報道有內地電影公司以千萬簽她，JC說：「嚟緊將會去北京幾個月，拍攝我第一部內地電影。（已正式簽約？）將會有啲事發生，嚟緊有好多計劃，其實我唔在乎間公司大定細，最重要畀到機會我。（千萬酬勞？）幾多錢我唔知，但我可以喺北京發展好開心，因為我鍾意北京，我將會上演戲班同學普通話。」

趙勁皓當女友助理

同場的男模趙勁皓（King）透露喜歡打機，還感染了女友盧頌之。提到在活動中，King挑選Cosplay女郎時都揀上圍強勁的女生，問他會否怕女友呷醋？他笑說：「佢好大方，我做嘢難免會同啲性感女仔合作。（使唔使報定案？）我會同佢講，佢有晒我嘅工作時間表，因為可以幫我安排工作同接Job，當係助理咁。（做埋你經理人？）唔會，我做佢經理人就差唔多。」