不少曾躋身寫真戰的模特兒相繼創業吸金，將搞內衣生意的尹蓁晞（Yumi）昨日接受電話訪問時對劉俐進軍飲食界大表支持，更揚言必會去捧場︰「我好鍾意食燒賣，如果佢可以畀幾籠新鮮嘅我就好喇！」提到與男友陳偉成均有投資生意，問有否打算進軍飲食業，Yumi說︰「暫時搞好內衣生意先，佢本身都有幾樣生意，擔心冇時間，不過佢好為食，如果佢搞，我都會陪佢。」

Yumi性感出席動漫節活動，更交晒戲扮驚。

Yumi（右）

另外，Yumi昨日以谷胸加魚網絲襪造型出席動漫節《PlayStation鬼馬兵團嘉年華》，有男狂迷扮記者混入傳媒區近攝Yumi，幸及時發現，Yumi說：「都怕狂迷，但大會安排安全嘅！」她又突然表示懷疑胸部「大咗」：「工作人員話我有少少走光，唧晒出嚟，可能谷M大咗。男友知我呢身造型就話『啱晒你啦』，講到我好似好鍾意性感咁。（你慣咗喺佢面前性感？）喺佢面前純情啲。」