澳門創作歌手彭永琛早前到學校宣傳職安健訊息，與小學生做健康操及齊齊玩遊戲，他說：「見到有個妹妹好可愛，全場得佢一個戴粉紅色口罩，我問佢點解得佢一個用粉紅色，但佢怕怕醜醜唔答我。（有冇叫佢上台玩？）冇啊，佢都冇舉手。」與小學生玩成一團，問彭永琛會否考慮創作兒歌冧小朋友？他說：「想呀，但兒歌唔容易寫得好聽，自己寫開R&B嘅歌，所以要換另一種寫法。」他續指小時候最愛聽《長腿叔叔》的主題曲：「可能細個聽開，入咗腦，依家都仲係覺得好好聽。」

「長腿叔叔你好嗎」彭永琛對這句歌詞入晒腦。