「竹升仔」馮允謙三年前回港參加《超級巨聲3》進軍娛樂圈，亦因此重拾長年分隔兩地的父子情，互相交流音樂心得。馮允謙今次於新碟挑戰不擅長的中文，亦有向父親問意見，他又會與林欣彤唱出大學愛情感覺。

馮允謙不時會讓父親成為其新作的首位聽眾。

馮允謙

同是《巨聲》出身的馮允謙與林欣彤，將會合唱新歌。

無綫2011年的《超級巨聲3》不但為馮允謙（Jay）開拓星途，更拉近了他與自細聚少離多的爸爸的父子情。馮爸爸長年在內地工作，與Jay一年只見三四次，Jay說：「同媽媽一直都好好，因為大家一齊住，而同爸爸開始Close啲，就係由返香港參加《巨聲》開始，當時我每星期都會盡量抽時間返大陸同爸爸食飯，仲會一齊練歌。」兩父子的感情因音樂拉近，但Jay笑說：「爸爸好鍾意唱歌，唱得好有感情，但爸爸唱歌唔好聽。」

Jay一直很尊重父親的意見，他說：「爸爸從來唔會Hea我，我創作完會畀佢聽，佢唔會淨係答好唔好聽，會畀好多描述同意見我。」新歌《紙筆墨》出爐後，Jay亦第一時間與父親研究：「呢首係一首好中國風嘅歌，由周耀輝填詞，但我拎份詞睇嘅時候，覺得啲詞真係好深，連爸爸都話深，本地人睇完未必明佢講緊咩，結果我花咗兩星期時間去把握首歌。」

唱出大學「情」懷

講到今個暑假推出的新碟《The In-Between》，連《紙筆墨》內的八首歌都是Jay親自作曲，他今次更大膽加入更多本地音樂元素：「頭兩隻碟感覺西方啲，今次會多啲曲風，好似Pop、R&B、Rock都有啲，亦加入咗唔少自己嘅經驗落去。」其中他最喜歡《天涯無歌》及與同門的林欣彤合作的《講多無謂》：「作嘅時候勾起好多大學時嘅拍拖回憶。」