近期人氣急升的Super Girls成員Heidi向來是漫畫迷，近日她以Cosplay裝扮為無綫拍攝動漫節宣傳片，穿上熱褲騷纖腰及美腿的她透露為爭仔打足12小時︰「我覺得自己似盜墓者羅拉，以前覺得套電影勁有型，揸住枝槍射嚟射去，今次實現咗其中一個夢想，可以做打女又可以周圍射，希望有下次，想試啲新鮮嘅造型，今次做小惡魔，下次畀我做小天使啦！」

露出纖腰的Heidi手持雙槍，成副打女格出晒嚟！

此外，Heidi又表示無綫安排了武術指導教授對打動作，由於對方的武器相當巨型，起初她很擔心會受傷。對於過往不少女生以谷胸Cosplay造型出擊，只露腿的Heidi不覺遜色︰「我唔擔心會被其他人嘅性感造型比下去，每個人都有唔同長處，而今次已係我嘅極限，因為着超短熱褲，又要露腰，我覺得非常性感！」