周秀娜同門師妹余曉彤（Hidy）最愛探索海底世界，夢想親自帶隊落水遊覽的她早前特地去考潛水牌，為求「一擊即中」，她做足準備工夫，狂刨潛水書直至天光，認真誇張！

熱愛發掘海底世界的Hidy，閒時最愛與男友出海潛水。

Hidy興奮地高舉潛水導師牌合照。

在男友的支持下，Hidy遠赴吉隆坡考潛水牌。

向來熱愛運動的余曉彤（Hidy）幾乎玩齊所有水陸活動，由於經常與男友出海潛水，她最近特地飛到吉隆坡考潛水牌，做一個真正的潛水員！

望帶團潛水

為求考試一Take Pass，Hidy事前喪刨潛水書，更坦言當時非常緊張︰「未考之前超級緊張，雖然自己有潛水經驗，但都會擔心唔合格，所以事前睇咗好多潛水書，我記得有一晚幾乎睇書睇到天光！」

Hidy在男友的支持下，成功考獲潛水執照，更興奮得在水中晒V慶祝！除計劃教潛水外，她更打算組團到多個潛水勝地︰「一直都鍾意水底世界又靚又奇妙，想帶唔同人落去，畀多啲人知世界嘅另一面，等潛水成為潮流！」

儲海底相簿

此外，Hidy一直有拍下海底奇觀的習慣，希望可儲滿至少10本相簿。提到不少地方曾發生潛水意外，Hidy卻不擔心安全問題︰「潛水最重要注意安全，天氣好先會落水，有咩事我會即刻上水，做足準備屋企人都唔擔心。」