音樂人郭偉亮（Eric）昨日接受電話訪問，提到有人在其作品展的台上跌Nude Bra，他第一個懷疑太太葉佩雯：「但佢話冇用Nude Bra喎！」並稱至今未收到任何嘉賓報失，若物主勇敢承認，他必定作出賠償。而自稱第一個發現Nude Bra的梁漢文（Edmond）在電話訪問中表示即時與蘇永康等「開心Share」，討論地上的「嗰塊透明嘢」到底是胸墊還是鞋墊，由於「來歷不明」加上要趕拍照，故沒有代失主保管，他提議物主可致電紅館的失物待領求助。此外，身在新加坡的蘇永康說：「我同Edmond研究咗好耐，第一個感覺係缽仔糕，又似增高鞋墊，因為係細Size，仲討論邊位女星跌咗，我仲想擰轉頭問係邊個嘅。有諗過係咪千嬅，因為佢啱啱行過，如果係就大鑊救唔到佢，又諗過問官恩娜，但佢又行開咗。」

蘇永康（左）提議失主致電紅館尋找失物，而郭偉亮則考慮賠償。