音樂人郭偉亮（Eric Kwok）的紅館作品展第二晚驚爆「跌糕」事件，懷疑有女歌手在台上遺下俗稱「缽仔糕」的胸墊！當晚演出的女星包括蔡卓妍、楊千及官恩娜等紛紛開腔望洗脫嫌疑！

嫌疑人1
蔡卓妍

嫌疑人2
官恩娜

嫌疑人3
楊千嬅

嫌疑人4
葉佩雯

嫌疑人5
鄭希怡

嫌疑人6
Gin Lee

Donald（左起）、郭偉亮和少爺占表演，更目睹Nude Bra在台上出現。

嘉賓每晚都會在「頒獎台」前排排坐。

有份做郭偉亮作品展嘉賓的DJ少爺占和Donald昨日在電台節目爆大鑊！由於演唱會以頒獎禮形式舉行，所有嘉賓在開場前都在「頒獎台」排排坐，當所有女歌手出場後，眾人赫然發現地上多了一個新鮮出爐的「缽仔糕」！Donald說：「係蘇永康佢哋發現，地下居然有個類似缽仔糕嘅嘢，仲係透明！」少爺占更踢爆梁漢文當時笑問：「你估係邊個嘅？」其後二人鎖定是女歌手的私人物品：「嗰個位冇Dancero架，得歌手會企！我哋梗係冇人敢執，驚仲熱辣辣！」

千嬅認「跌嘢」

二人又稱事發當日是紅館騷的第二場，除了直接升上台的葉蒨文外，當晚有份坐「頒獎台」的女歌手統統變成嫌疑人物！當晚大露背亮相的蔡卓妍（阿Sa）得知後笑個不停，更抵死回應：「我冇失物！係咪另有用途？可能墊膊頭或者墊櫈腳用呢？」楊千嬅則自爆望洗脫嫌疑:「我嗰件係緊身束腰衫，係都跌落腰啦！可能我孤陋寡聞，乜Nude Bra唔係肉色o架咩？不過我真係跌咗嘢，上台前跌咗對鞋，好彩（李）克勤幫我執番！」

而偵探上身的葉佩雯（Grace）及鄭希怡認為該失物應是鞋墊，Grace說：「我嗰晚件衫喺斗篷入面，有個閃Bra Top，好緊身所以唔需要用，其實我見到，似鞋墊多啲喎！」屬有料之人的官恩娜則否認:「唔係我嘅，我冇囉！」李幸倪（Gin Lee）亦否認是「缽仔糕」的主人，究竟失主是誰，看來只有當事人才知道！

此外，連續5年為護膚品牌拍廣告的阿Sa直認會主動出擊追仔：「我會主動爭取自己鍾意嘅人，當然我唔會蠢到一廂情願去表白，一定係知對方都有意思，先會主動出擊！」