高海寧勁冧鐵騎士

高海寧（高Ling）昨日與馬德鐘出席《Honda新車發布會》，即場為新車揭幕及大玩遊戲！身穿低胸裙的高Ling谷盡事業線兼大晒長腿，她笑言未想過考電單車牌：「咁就可以大條道理坐吖嘛！（胸壓司機影響揸車？）唔會影響啦！做嘢拍戲坐過咋！私底下冇乜識人揸電單車。」她笑言會對駕駛電單車的男士加分：「揸電單車飛馳好有型！（唔驚危險咩？）唔驚呀，好刺激同好好玩。」並希望盡快拍攝《賭城風雲2》的戲份向發哥「集郵」，不過戲份全數在港取景，又怕到泰國探班會影響拍攝進度。而穿皮褸現身的馬德鐘表示品牌的兩款新車非常合心意，並已獲得太太發放買車「准許證」，更揚言支持囝囝考電單車牌。