鄭伊健及周秀娜（娜姐）近日於紅磡接受訪問，宣傳新戲《分手100次》，於戲中扮演情侶的二人於戲外不忘互窒，娜姐更被伊健窒到投降！伊健大爆看盡素顏娜姐的「醜態」：「導演要求拍得生活化，所以同居時佢唔可以化濃妝同戴大眼Con！（咩都睇晒？）連佢換褲我都睇埋！」並指娜姐是兇狠的「雙面人」：「拍之前佢明明話唔識嗌交，點知發現佢兇狠指數好高，不停同我駁火！」娜姐聞言即時伸冤：「佢好衰同好激心，令我投入到角色去鬧佢！」問到是否將對前度男友的不滿轉移到伊健身上，她連聲否認：「我真係唔識嗌交！拍戲嗰時冇諗其他人，淨係畀伊健吸引住！」眼見娜姐投降「賣口乖」，伊健即時哄番：「佢把聲好性感，人又正。（身材正？）拍緊戲太近睇唔到！佢應該去（試）唱歌！」

伊健自爆望勻娜姐的「醜態」，更曾目擊娜姐換褲的香艷畫面。