將於十月開紅館騷的張敬軒，遲遲未交歌的他被英皇高層吳雨在活動上追債，軒仔只好以「慢工出細貨」打圓場。他又不認同本地新人只靠包裝沒有內涵，更揚言：「包裝點都唔夠韓國勁，我哋係以實力取勝！」

「唱家班」張敬軒力撐香港歌手有樣有實力。

吳雨（左三）當眾催張敬軒（右三）交歌，相信他有排頭痕。

許靖韻（右）自爆與陳凱彤半夜練歌，幸好沒被鄰居投訴。

張敬軒昨日以師兄身份率領鍾舒漫（Sherman）、許靖韻（Angela）及去年的新秀冠軍陳凱彤（Lillian）出席《英皇新秀歌唱大賽2014記者招待會》，Angela與Lillian即場合唱美國天后Beyonce的金曲《Halo》，令全場聽出耳油，連台下的軒仔及Sherman亦忍不住跟隨節奏擺動身體。

去年加盟英皇的軒仔一直忙於為舞台劇綵排及演出，將於十月廿四及廿五日舉行兩場紅館演唱會的他，近日不停被公司催交新歌，昨日吳雨在台上頒發「榮譽導師」委任狀予軒仔時，忍不住食住個勢向一拖再拖的軒仔追債：「好交歌喇，仲未交歌。」軒仔即尷尬搶咪說：「慢工出細貨。」接着指一指對方說：「大哥，好嘢，高招。」此外，軒仔又表示香港樂壇需要引入新血，才可與外國抗衡，問到會否覺得本地新人只靠包裝沒有內涵時，他卻不認同：「包裝點都唔夠韓國勁，我哋係以實力取勝！」

鍾舒漫變工人

Sherman則透露雖然與在台灣發展的妹妹鍾舒祺姊妹情深，但卻慘被妹妹封為「工人漫」：「可能好少見佢，佢咩都叫家姐。」並自爆妹妹與男友吳浩康連成一線：「佢兩個聯手叫我做呢樣同嗰樣，冇辦法啦！佢哋開心我就開心。」而Angela表示與Lillian在家練歌至凌晨，一度擔心會被鄰居投訴。