已為人母的陳茵媺（Aimee）昨日出席活動時透露，有意為愛兒報讀Playgroup，老公陳豪亦有提供意見。她決定親自到學校視察環境，笑稱希望不會成為「怪獸家長」。

Aimee為大埔新達廣場主持揭幕禮，即席分享湊仔經。

陳茵媺與小朋友在台上大玩遊戲，笑到見牙唔見眼。

陳茵媺昨日到大埔出席《新達廣場夏日祭 揭幕禮》，除了向觀眾派禮物外，又獲大會安排小女孩送上嬰兒娃娃，主持問到可想追女？她笑說：「遲啲先啦！」提到愛兒陳梓燁（Aiden）已7個月大，她透露有意報讀Playgroup，正在做資料搜集：「要睇吓遠唔遠，太遠佢坐車會辛苦，要諗好多嘢。（老公有畀意見？）有，但要親自去睇吓，希望環境令小朋友開心。」她又指報讀本地或國際學校的問題，現時言之尚早。問到是否「怪獸家長」？她笑說：「希望唔係，揀學校除咗睇家長意願，仲要睇小朋友性格適合邊種教法。」

親自培訓飛魚

此外，她透露上月一家三口到澳洲悉尼旅行，暑假則要視乎老公的檔期，目的地冇所謂：「鍾意陽光與海灘，有Resort感覺，可以食吓當地食品、游水、曬太陽，總之好Relax！」她又想親自教兒子游水，待Aiden適應水性後再報讀興趣班。

提到被轟為愛兒棄養3隻愛貓，她坦言感到不快，可惜現時仍在餵哺母乳，不能服食抗敏藥。她透露有探望愛貓，待兒子戒人奶後，將領回愛貓：「啲藥食咗6年，唔介意食，因為好鍾意啲貓，領養返嚟覺得同小朋友一樣要尊重，係一生一世！」