藝人梁思浩將主持以全球疑案為主題的節目，當中最爆的是藝人李悅彤（Liddy）父親李德仁啟晴邨槍殺案，更找來Liddy親身演繹，Liddy正考慮作為復出之作。

Liddy的身世及經歷充滿戲劇性，難怪被搬上螢幕。（資料圖片）

曾揚言要跟翁美玲冥婚而遭全城插爆的梁思浩，自爆又有「新搞作」！

曾展章坦言正在籌備節目。（資料圖片）

梁思浩昨日到書展支持好友時表示最近忙於有線節目《怪談》及now節目《娛樂審死官》，更即將開拍以電影形式拍攝的鬼節目《大凶捕》，內容講述全球疑案包括近期轟動全城的啟晴邨槍殺案，更邀請當事人Liddy參演：「想佢喺戲裏面做番自己，即係演槍手個女，製作組已聯絡到佢，佢亦考慮緊，如果佢有需要，我可以親自同佢講解番角色同內容。其實我勸佢如果想喺娛樂圈發展就最好接拍，好似Coffee事件咁，肯面對就有一片天地。」

曾展章：年底開拍

據知有線相當重視共有十集故事的《大》，動用千萬元製作，每集花逾百萬元，將於明年推出以力撼免費電視節目。內容除包括Liddy的真人真事外，還會找梁小冰擔演扮遺失嬰兒的殺嬰案等。至於會否將Liddy及彭順的感情事搬上螢幕？由於劇情只以真實故事作藍本，為免踩界，故事周邊角色不一定與現實一樣，如彭順的角色在節目中並不是導演身份。

記者再致電梁思浩問Liddy是否真的落實演出？他說：「Liddy都諗一係唔做呢行，一係要面對自己，所以會考慮拍，而今次係透過一個電影人聯絡Liddy，佢都考慮緊係咪承擔到個角色。」至於有線高層曾展章則指確實在籌備《大》，正在等內部審批：「拍呢類個案要考慮好多因素，包括案件存在嘅親人感受，唔想喺傷者身上灑鹽。（係咪真係搵Liddy親自演佢嘅角色？）幕後係有人聯絡佢，仲等緊佢答覆，如果成事會年底開拍。」

過往亦有不少片商將轟動一時的案件拍成電影，如由吳彥祖及張家輝主演的電影《魔警》，乃參考警員徐步高於2001至06年涉參與三宗開槍殺人案，最後被同袍擊斃的案件。還有取材自2004年天水圍一家四口倫常悲劇的《天水圍的夜與霧》，由任達華及張靜初擔演。