陳慧琳（Kelly）昨日以美心月餅代言人身份，與杜德偉（Alex）出席環保月餅盒活動。Kelly表示囝囝在學校接觸環保課題：「學校叫佢用膠樽做玩具，好似砌船仔咁。」又稱想趁暑假帶兒子外遊，但因馬航空難事件令她擔憂：「睇完新聞覺得好慘，都有陰影，或者考慮去短線地方。」而下月開騷的Alex將閉關操練，又稱經常想偷食：「成日想食煎炸嘢，畀老婆知道又會話我，所以要背妻偷食。」談到鍾鎮濤（阿B）將結婚，Alex稱會任兄弟團：「我結婚時阿B幫我做兄弟，今次要幫番佢。（喺峇里舉行？）我唔知，淨係預咗時間畀佢，等佢安排。」

Kelly和杜德偉支持使用環保月餅盒。