身為基仔超級好友的周慧敏（Vivian）昨日與老公出席基仔的餅店開幕，問到Vivian老公有否教基仔夫妻之道？他笑說：「要慢慢教。」穿上Tube Dress的Vivian獨自接受訪問，大方承認早知基仔與Lorraine飛到拉斯維加斯註冊：「為咗守承諾唔可以講，但都一直有問佢攞婚紗相睇，佢哋喺當地用WhatsApp畀咗幾張我。（親唔親密？）冇喎！睇唔到。（送咩禮物畀一對新人？）想送用錢買唔到嘅嘢，諗緊寫首歌送畀佢哋。」問到會否叮囑基仔不要「出軌」？Vivian說：「咁大個人唔使提啦！自己都經歷過，相信佢哋會提升感情階段，做老公要錫太太，太太就要尊重丈夫同溫柔啲。」

周慧敏自爆早知基仔秘密搞婚禮，打算寫歌賀一對新人。