美國諧星積遜碧斯（Jason Biggs）前日借馬航空難一事於Twitter留言開玩笑：「有冇人想買我嘅馬航飛行里數？」隨即引來全城圍插，網民紛紛留言：「如果你有小朋友死於空難，你仲會唔會笑得出！」、「你呢個垃圾！」、「你家人發生慘劇時我一定記得笑！」仍未知衰的積遜還反駁：「你哋呢啲失敗者挑骨頭發洩，你哋呢啲混蛋！呢個只係一個笑話！」又說：「笑吧！我希望慘劇發生喺我家人身上時，我仍會笑得出！」但積遜隨後發現外界反應愈來愈強烈，才懂得刪除留言並致歉：「對於今次留言忽略他人感受及時間上有欠恰當，我對此感到抱歉。」