近年香港興起跑步潮，不少明星自組跑步隊到世界各地出戰，早前曾到澳洲發展的HotCha成員張惠雅（Regen）亦因公司推薦加入跑步行列！Regen說：「其實當初對馬拉松冇興趣，純粹為咗減肥同練氣，之前喺澳洲知香港有跑步潮，覺得會好辛苦，但返嚟香港後，公司話不如試吓挑戰自己，所以我就決心開始跑步。」她又稱從小不愛運動，運動會時甚至為了不用參賽而做啦啦隊：「讀書時試過有次唔想返學而去參加區賽，結果跑第尾。」

自小不愛做運動的Regen，跑馬拉松挑戰自己。

Regen首次跑10K已取得佳績，令她大感意外。

起初為練氣而跑步的Regen，自覺對唱歌有所幫助。

Regen笑言第一次出賽的成績出乎意料地好，在沒有怎麼練習的情況下挑戰10K都有不錯的成績：「跑第二次時仲快咗，教練大讚我有潛質，之後我開始學習呼吸，依家跑緊都仲有氣同人傾偈。」Regen稱以前回家大多會搭的士，行商場又會搭扶手電梯，但跑步後會選擇行路練氣：「最大嘅得着係學識咗有毅力同堅持，唱歌氣都多咗，而且亦會自覺食得清啲。」Regen又講到曾想過要放棄，現在已經克服了。