日模松岡李那師妹山內藍（Blue）與廣告新星徐浩昌（肥腸）昨日現身書展為寫真明信片宣傳，以戰鬥格上陣的Blue，毫不吝嗇地谷胸大晒事業線兼騷小蠻腰，她無懼會場人多擠迫而蝕底，並揚言如有機會拍個人寫真，只要不露三點便願意脫光上陣。

山內藍昨日現身書展，谷胸大晒事業線。

余宜發

王家衛

而導演許鞍華則現身書展座談會：「新戲《黃金時代》9月會去威尼斯電影節，女主角湯唯會去，我有恭喜佢結婚。（唔怕佢臨時缺席？）唔會，唔係去表演，去做嘢！《黃》片9月16號香港首映，佢都會嚟。」她又稱會為威尼斯電影節任地平線單元評審委員會主席。與作家金宇澄出席講座的導演王家衛說：「金老師本著作寫得好好，我已經買咗版權，但唔會今年內開拍。」

至於DJ余宜發首次推出的個人散文集搞簽名會，他自爆蝦碌事，忘記為姊姊寫散文：「我有兩個家姐一個細佬，不過寫完本書先發覺唔記得漏咗其中一個家姐，有補寫番同印篇文，惟有簽名時送畀Fans啦！」歌手龍小菌則為好友梁梓禧及茜利妹推出的新書《攣直後援會》撐場，她表示支持變性人及同性戀者。