劉嘉玲「代夫從軍」的舞台劇正式公演，近期鮮有露面的梁朝偉臨開騷前現身慰妻，承諾會予以無限量支持，認真Sweet爆！嘉玲角色造型多變，恍如女王出巡，劇中更與梁家輝有「火辣場面」，非常吸睛。

梁朝偉到場打氣，向老婆嘉玲大派定心丸。

嘉玲在劇中主動向家輝投懷送抱及「獻吻」，不知偉仔會否呷醋。

梁朝偉直入後台「慰妻」，更與家輝及君豪等合照留念。

因為梁朝偉辭演，嘉玲「執二攤」夥拍梁家輝及謝君豪，演出英皇舞台劇《杜老誌》。繼慈善首演後昨晚正式揭開公演序幕，梁朝偉趁開幕前低調現身捧場，且直入後台「慰妻」打氣，向自言備受演出壓力的嘉玲大派定心丸，期間夫婦不忘與家輝及君豪合照留念。

花時間儲膽量

偉仔進場時遭記者截停訪問，只見他原本剷青的頭髮終於回復以往模樣。談到辭演舞台劇一事，偉仔說：「因為演舞台劇好花時間，要事前儲夠足夠膽量。（會嚟捧幾多場？）佢話囉！我點都支持嘅。（點鼓勵佢？）佢有排做喎，做完先算啦！」

偉仔又指演出舞台劇過程雖辛苦，但換來的滿足感同樣非筆墨能形容：「昨晚（前晚）開騷前我都傳咗個短訊畀佢，叫佢要Enjoy the show及享受舞台。」

嘉玲稍後要飛往泰國與周潤發於《賭城風雲2》內鬥戲，偉仔說：「大家都係演員，明白付出嘅努力可以換來好大嘅成功感。」

頻換裝高貴性感

至於舊拍檔周迅日前嫁作人婦，他表示已送上祝福。至於未來工作動向，他說：「上次套戲真係太辛苦喇，畀我放埋呢個暑假，9月先算。（接拍王家衛《擺渡人》？）真係未知，過多個幾星期會明朗化。」他又透露早前飛往非洲親近大自然，日日與獅子、老虎為伴，難怪不想假期完結。

另外，嘉玲前晚演出《杜》劇慈善首演的劇照曝光。劇中扮演寡婦的嘉玲與家輝有近距離接觸，其中一幕更見她主動向家輝投懷送抱「獻吻」，而她的角色造型亦落足心機，整晚頻頻換裝，時而高貴時而性感，恍如女王出巡相當壓場。