Rosina烏身揮手打招呼，咁有禮貌，要加分！
《2014香港小姐競選》入圍候選佳麗昨日到電視城向大會報到，由於今年大會玩神秘，要到準決賽才讓佳麗正式見人，故入圍佳麗「怕蝕」即博影相，一副戰鬥格，她們在鏡頭前擺甫、揮手任影唔嬲！當中有「加國熙蕾」Linna，一身Sharp到爆上陣先「色」奪人，穿上小背心的她雙峰激凸，非常搶鏡！她透露來自溫哥華：「我係學生，嗰邊修讀心理學！」
Maggie被風吹到亂髮披面！
Jan的螢光背心裙非常Sharp！
Linna激凸上圍Big爆小背心咁滯，加埋一頭吹起嘅秀髮，真係不得了！
Crystal點解要慌失失四圍走呢？
CK自詡個名型，可惜打扮一啲都唔型！
至於有鋪選美癮的「縮胸蔚雨芯」鄧曉霖（Rosina），她曾參選2011年悉尼華裔小姐奪得亞軍，今次順利入圍港姐並主動介紹自己履歷，問到是否很喜歡選美？她說：「唔係興趣，只係唔想浪費機會，我之前喺澳洲讀表演音樂。」而「直鼻陳凱琳」Jan則以螢光打扮上陣，明顯信心十足，她說：「我係一名鋼琴教師，亦係模特兒。」另外，曾經參加在深圳舉行的第二屆亞洲車模選美大賽的CK，成為全場總冠軍，昨日被問到名字有趣時，她則自信地說：「型囉！」
