歌手周柏豪憑健康乖仔形象深受歌迷及廣告商愛戴，每次開演唱會定必掀起撲飛潮！柏豪日前出席將於9月25及26日舉行的《周柏豪PAKHO COLORS OF LIFE CONCERT 2014》演唱會記者會，並宣布門票於前日（15日）公開發售，豈料最貴及最平的門票在短短數小時火速售罄，令柏豪開心得要食自助餐慶祝，他坦言自己都買唔到飛：「想請屋企人同朋友睇，點知起身已經知道啲飛賣晒，得番少少中價飛！」並承認曾向公司「施壓」：「真係買唔到飛，搞到欠飛債，點知反而畀同事屈我請佢哋去旅行。（甘心被屈？）大家辛苦，係時候慰勞佢哋。」

周柏豪與首個紅館騷的海報合照！

周柏豪興奮表示演唱會貴飛及平飛已火速售罄。