羅仲謙和蔡思貝昨日在無綫電視城為新劇《衝線》進行單車訓練，羅仲謙坦言雖然不算辛苦，但曬到兩截色：「沖涼嗰時有件衫印喺度！」更表示會裸曬太陽燈令肌膚的古銅色更均勻，落足心機！而劇組會於九月到台灣拍環島踩單車外景，他打算趁機大擦台灣美食，問緋聞女友楊怡會否訪台探班？自言對台妹沒有興趣的他指女友要開工。而蔡思貝亦曬到一身古銅色，問會否怕無法美白？她無奈地說：「一世人流流長，一定白得番，睇吓等幾多年。」更笑言想藉此博取美白用品代言。

羅仲謙和蔡思貝為新劇苦練踩單車，似模似樣。

蔡思貝（左起）拍住沈震軒、溫家偉和羅仲謙，萬綠叢中一點紅。