宣萱計劃生兩件

宣萱、江美儀和鄭融前晚出席電影優先場，與外籍男友蜜運中的宣萱獨自到場，她指男友性格低調，之後會返意大利，但她不會同行：「拍咗拖唔係好耐，慢慢嚟。（睇定未？）睇人起碼一年半載啦！」她透露已帶男友見家長，問到會否生小朋友？她坦言男友喜歡小朋友：「遇啱人都想生，但世界好亂，出世後佢要面對好多嘢，最好生多個有個伴。」而江美儀自爆平日有帶愛犬看電影，問到會否違規，她表示會十分檢點。