o靚模組合AD2成員Amy（艾美琦）昨日帶同Ivy及巴拉莎到灣仔街頭剝衫和玩波，早前揚言「封胸」前最後一脫「三點盡露」的她，最終上演「世紀騙案」只玩沙灘波，未幾與Amy傳不和的Super Sexy Hero成員Angi（鄭思彤）率領5位成員Psyche、Sabina、Keely、Phoebe及Mars踩場，Amy見狀即把波拍向Angi頭部，Angi隨即還擊，最後Ivy再把波拍向Angi，9女於街頭混戰。事後Amy與Ivy鬧爆Angi，Amy更揚言Ivy與巴拉莎是其性感接班人，對於未有三點盡露，她尷尬地說︰「想同大家玩吓，脫留番畀佢兩個。」其後又寸爆死敵王璐瑤（Lulu）︰「都唔明寫真宣傳唔露肉，唔通趁清明節先露咩！」

告別寫真戰的Lulu晒命指獲書商邀請出有文字的書。

巴拉莎（左起）、Amy及Ivy於街頭剝衫玩嘢。

Angi還擊將波扔向Amy，引來途人圍觀湊熱鬧！

至於Lulu昨日到書展宣傳新書時說：「好開心，係書商請我嚟，呢啲機會唔係個個都有，有啲o靚模宣傳寫真要匿埋一二角，好似過街老鼠咁，幾可憐！但我嘅幸運係理所當然，我呢本真係書，有文字，唔係睇完墊煲底嗰啲。唔會再出寫真，好悶喇，出咗兩年，想話畀人知o靚模唔係淨係識脫。」