郭晉安、田蕊妮和吳卓羲昨日到將軍澳出席無綫新劇《忠奸人》宣傳活動，安仔透露將全家總動員到熱帶地方旅行十日，更笑言旅行是預祝高收視，期間他極盡硬銷：「世界盃就踢完，睇埋聽朝，大家冇嘢睇冇嘢講，就睇《忠奸人》啦！」而笑稱穿沙灘裝撐場的阿田，上台玩畫鬼腳時竟然不懂規則，十分失威！她又自爆上月和老公杜汶澤去美國後肥足十磅，問到有否趁出國造人？她否認，但當記者指可以做「運動」時，她意有所指地笑說：「運動時時都做，呢樣嘢都可以令身體健康，都應該嘅！運動係需要o架！」至於吳卓羲則透露會全男班看世盃決賽，遭記者取笑Dry，他隨即撩在場女記者今晚一齊睇波，認真搞笑！

安仔在活動上餵阿田食嘢，這對拍檔看來默契十足！