開朗活潑的20歲新星顏卓靈（Cherry）將首度出文字書，展露其感性一面，其中一章她寫信予因癌病過身的大姨，Cherry回想起至親病發至離世的片段，感人催淚！

一向活潑的顏卓靈，在書中展示文靜感性的一面。

顏卓靈跳得、演得又寫得，多才多藝。

顏卓靈置身草叢拍攝，忍受蚊叮蟲咬。

新進女星顏卓靈形象正面開朗，年僅20歲已曾提名香港電影金像獎及台灣金馬獎影后，演技獲讚的她踩過界做才女，將於今年書展推出文字書，以書信方式表達她對不同人及事的感覺，在眾多鬥露肉出寫真的女模中，堪稱一股清泉！

Cherry在書中展現感性一面，其中一章她寫信給因癌病過身的大姨，筆觸催淚令人動容，寫作期間她憶起兩人相處點滴，曾多次忍不住爆喊，提到與大姨的難忘事，Cherry說：「大姨笑得好大聲，好鍾意啲小朋友嘢，佢好錫我，試過織好多電話繩畀我。最深刻係佢癌病復發，我Call白車送佢入院，睇住佢愈嚟愈惡化，開始口齒不清，臨走前我話想畀個Goodbye Kiss佢，佢質塊面埋嚟，依然好淘氣！透過寫呢封信，我再一次用力記住佢，之後釋懷咗好多，依家諗起佢會會心微笑。」

靚相Natural

除了文字外，書中亦收錄Cherry的相集，讓Fans欣賞其靚樣，她到了西貢深涌捱熱取景，配合其喜愛大自然的性格。問到若反應好會否繼續寫書？Cherry說：「唔會限死自己，有靈感自然會繼續寫。我最近都諗到個劇本，但做好演員本分先，時機成熟有可能拍成電影。」