混血名模Ana R.與Rosemary昨晚在黃埔新天地出席《世盃決賽派對熱爆黃埔　熱身派對》，Ana明撐德國捧盃：「德國有Team Spirit，好似軍隊咁，我都會睇決賽，但老公要瞓覺，我同狗狗一齊睇。」提到另一混血名模Amanda S.離婚一事，Ana說：「一齊咗咁耐，分開相當Sad。（有冇搵過Amanda？）冇，諗住下星期先。」她坦言與丈夫亦不時有小拗撬，問到如何維繫夫妻感情？她笑說：「Sex囉！大家有時忙到連一齊食飯嘅時間都冇，但傾好咗每個月最少有兩日係二人世界拍拖。（為老公減少啲Job？）如果老公肯減少啲佢嘅工作，我都會肯，要一齊犧牲先維繫到。」

身為德國粉絲的Ana R.點會Miss咗決賽終極一戰？

Ana R.（左）和Rosemary齊齊調製特飲，係咪好想試吓靚女手勢呢！

另外，Rosemary透露將到內蒙古參加馬拉松，男友Jason剛從巴西看完世界盃返港，會與她一起看決賽。男友更在當地買了一套超性感的比堅尼給她，Rosemary說：「好細件，冇可能着出街，淨係我哋Private欣賞。」