o靚模蔡穎恩及陳嘉寶昨日出席護膚品活動，蔡穎恩自言是敏感性皮膚，曾因皮膚問題停工，問到有否為男友護膚？她說：「我會幫男友按頭同腳，覺得按摩比煮嘢食更容易綁住男友個心，感覺好幸福同溫馨！」
陳嘉寶（左起）、王敏奕及蔡穎恩以女神造型出席護膚品活動。
至於曬黑不少的陳嘉寶說：「最近幫無綫做緊兩個節目主持，一個講行山，另一個就搵街頭魔術師，全部要出外景，所以曬到咁黑，依家要尋求美白方法！（唔鍾意古銅膚色？）黑白都OK，但要均勻，依家曬到一撻撻！」
