「警鐘胸」Jessica C.昨晚出席在澳門舉行的池畔派對，自稱酒量欠佳的她承認醉酒易做錯事，但避談曾否酒後失身。她揚言席上只會喝少許酒及傳相給男友，大派定心丸！

JC未有穿比堅尼出席派對，但依然性感。（攝：嚴偉國澳門傳真）

一眾模特兒到澳門新濠天地出席池畔派對。（攝：嚴偉國澳門傳真）

女模Jessica C.（JC）昨日穿Bra Top配熱褲出席澳門新濠天地SPLASH池畔派對，問到為何不穿比堅尼？她說：「人多，咁着安全啲！唔係第一次參加池畔派對，知道啲人好High！」問到可曾裸泳？她表示絕不會在港及澳門裸泳：「留喺外國或將來度蜜月先，要搵個私人嘅小島，冇乜人。」

撐Amanda S.過新生活

她指現場氣氛高漲，會飲少許酒助興，但不敢多喝：「飲半杯啤酒已經會醉！（叫男友護花？）男友都唔飲酒，可以照顧我，有佢在場我就唔擔心。（男友今日唔喺身邊？）佢知我做嘢，會傳啲相畀佢睇，等佢唔使擔心。」她自爆醉酒後會喧嘩、跳舞、吃東西及睡覺，問到可曾酒後失身？她避而不答：「都唔知點講，不過飲醉酒易做錯事。」

提到名模Amanda S.日前宣布離婚，JC表示有留意報道，但跟對方不熟：「身邊好多人離婚，我父母都係，明白重新適應新生活有困難，祝福佢！（影響你對婚姻嘅睇法？）唔擔心，最怕關係停滯不前，呢個時候要作出明智決定！」

同場的陳瑞瑩擔任節目主持，有男友Andrew傍實開工，她說：「好刺激！我做過唔同池畔派對嘅主持，但第一次喺澳門搞，亦係男友第一次陪開工，好興奮！」