汗味波衫捧德國 陳貝兒化身勝利女神

身在巴西的無綫代表鄧佩儀及陳貝兒分別直擊兩場世界盃八強賽事，欣賞巴西對哥倫比亞的鄧佩儀指現場氣氛高漲，當中有九成是巴西球迷，對心愛的巴西球星尼馬受傷感心痛，完場後她有幸採訪哥倫比亞神射手占士洛迪古斯：「當時得我一個女記者所以有優勢，佢返轉頭受訪，雖然雞同鴨講，好彩佢估到我問咩，仲話球隊出局好失望！」成功向占士「集郵」的鄧佩儀更大讚對方友善，更冧爆坦言對方是第二最愛！而陳貝兒則身穿德國球衣，直擊愛隊擊退法國一幕，她更自封德軍勝利女神：「我着咗三次波衫，佢哋就贏足三次，我會着到佢哋贏冠軍，啲汗味係勝利嘅味道！」