世界盃主辦國巴西與德國雙雙晉級四強，爭入決賽成為舉世焦點。生死戰未開始兩邊球迷已互相較勁，雖然巴西男神尼馬因腰椎骨裂而緣盡世盃，但日模松岡李那揚言會跳森巴舞為巴西助威，而宅男女神周秀娜則食住德國腸撐德軍！

周秀娜約實鄭伊健食德國腸睇波！

撐巴西的松岡李那希望尼馬快點康復。

徐子珊讚德國夠硬淨，朱千雪（圖）則與父親熱捧德國。

徐子珊

隨着昨日凌晨德國及巴西成功晉級後，一眾球迷最期待的畫面亦終於出現！這兩隊冠軍大熱將會於本月9日正面交鋒，力爭決賽席位！雖然巴西王牌尼馬在8強對哥倫比亞一戰中，腰椎骨裂而與世盃絕緣，更有球迷忍不住當場痛哭！四強決戰雖然未開始，但兩邊粉絲已率先鬥嘴為大戰做定「熱身」準備。

球迷大鬥法

支持巴西的日模松岡李那透露會一邊跳森巴舞，一邊欣賞巴德大戰：「好鍾意巴西，有好多朋友係巴西人，佢哋好熱情又鍾意跳森巴舞，我最愛嘅球員就係尼馬，希望佢早日康復啦！」而陳嘉桓則透露為撐巴西連親人都冇情講：「我舅婆係德國人，為咗支持巴西，我連親人都唔幫！雖然尼馬受咗傷，但其他球星會畀心機撐住，冇得輸！」除自備球衣外，她更為愛犬買球衣，實行一條心撐巴西！而何傲兒及何佩瑜亦對巴西打入決賽充滿信心。

在主將尼馬缺陣下，巴西被指可勝不穩，「德迷」周秀娜更深信德國可以再下一城，擊敗巴西取得決賽席位：「德國進攻同整體性好強，到時想約埋鄭伊健同旦哥（鄭丹瑞）一齊睇，為咗撐德軍，我決定咗到時會一路食住德國腸一路睇波！」而徐子珊大讚德國夠硬淨，朱千雪則表示會與父親一同支持德國，任達華亦在微博力撐德國。