名模傅嘉莉（Kelly）向來收身有道，她認為最有效的方法是從飲食及運動入手，對飲食控制嚴格的她，每餐只吃七成飽，不但少油少糖少鹽，還少吃煎炸食品。她更分享獨門減肥餐單：「早餐食水煮麥皮；午餐如果出街食就食湯麵類，餐與餐之間可以食生果；而晚餐就食菜、魚、肉，肉類只會食一種。每餐只可以食七成飽，要飲多啲水，可以促進新陳代謝同排毒，但餐後唔好飲凍飲，因為啲能量會用咗嚟保暖，影響消化。如果出面嘅食物太油，我會用水沖一沖先食。我用呢個餐單起碼食咗半年，見到成效先放鬆少少。」

傅嘉莉

Kelly在泳池邊大晒白滑玉背，令人心動！

傅嘉莉每天都會抽空跑步及做瑜伽Keep Fit。

身穿泳衣的Kelly大騷完美身段，令人羨慕！

均衡飲食亦是Kelly消脂的秘密武器。

運動方面，Kelly表示跑步減磅最快，而游水則可以收靚身體線條：「游水可以令肌肉結實，每次運動半個鐘以上，脂肪先會開始燃燒。」Kelly還推介拉筋及瑜伽，因有收靚線條的效果：「每個動作唔使重複太多次，反而每個動作要Hold得耐啲，同埋要深呼吸。」