郭晉安及萬綺雯在主題樂園拍攝《老表，你好Hea！》結婚戲份，安仔竟重遇當年娶歐倩怡時的卡通人物扮演者，十分有緣！而一心只想「試菜」的王祖藍則心郁想結婚！

安仔及蚊蚊拍攝結婚戲份時，不其然想起當年的結婚點滴。

小儀（左）突然殺入嚟做「小三」，嚇得李亞男及王祖藍即刻彈開。

岑麗香（左）狂整王君馨的頭飾，十分調皮！

藝人郭晉安（安仔）、萬綺雯（蚊蚊）、王祖藍及岑麗香等前日在主題樂園拍攝新劇《老表，你好Hea！》的煞科戲，並齊齊食煞科飯。蚊蚊大爆每個人都問安仔在當年的婚禮場地拍結婚戲有否勾起回憶：「我喺側邊都聽咗幾十次！」而安仔笑言婚禮程序與當年「現實版」一樣：「兩隻卡通人物話我結婚嗰時都係佢哋嚟！」問到蚊蚊當年的婚禮是否如此夢幻，她即笑言當年結婚好Hea：「嗰時係飛去拉斯維加斯，冇着婚紗，淨係着See-through白裙、涼鞋就咁結婚。」

祖藍試定菜

而同場的祖藍則表示無綫很少拍畢尾場就即刻食煞科飯：「平時我要畀好多o架！但真係估唔到主題樂園會幫我哋包咗十幾圍！」

本來只是來試菜的他，坦言看罷今場戲後有在該處結婚的衝動：「我自己就未諗，但係安仔同蚊蚊都話呢度好！」